საგარანტიო პირობები მეწარმე/იურიდიული პირებისთვის

ქვემოთ მოცემული საგარანტიო პირობები ვრცელდება მეწარმე/იურიდიულ პირებზე, არასამეწარმეო (არაკომერციულ) იურიდიულ პირებსა და სახელმწიფო ორგანიზაციებზე.

ალტაში შეძენილ ნივთს (გარდა „საგარანტიო პირობები არ ვრცელდება“ პუნქტისა) აქვს გარანტია 1 წლამდე, თუ გამყიდვლსა და მყიდველს შორის არ არის შეთანხმებული სხვა პირობები, რომლებიც აისახება საგარანტიო ტალონის/ბარათის პირველ გვერდზე.
მოწყობილობების ბატარეების/ელემენტებისა და დამტენების საგარანტიო ვადა შეადგენს საგარანტიო ბარათზე მითითებული ვადის ნახევარს.

ტექნიკაზე, რომელიც გამოიყენება პირდაპირი სამეწარმეო საქმიანობისთვის, კერძოდ, მოწყობილობის დატვირთვა სცდება მისი ფიზიკური პირის მიერ გამოყენების ფარგლებს, საგარანტიო ვადა შეადგენს არაუმეტეს 2 (ორი) თვეს. პირობების დაზუსტება შესაძლებელია “ტექპოინტის” ცხელ ხაზზე დაკავაშირებით ან მისამართზე.

საგარანტიო მომსახურება მოიცავს ოფიციალური ბრენდის მიერ დადგენილ პირობებს და ითვალისწინებს ნივთის უფასო შეკეთებას, საგარანტიო პერიოდში. საგარანტიო მომსახურება ხორციელდება ტექპოინტის სერვისცენტრში, საგარანტიო ტალონში მითითებულ მისამართებზე.

გარანტია ვრცელდება ტექნიკის იმ ტიპის დაზიანებაზე, რომელიც განპირობებულია ტექნიკური წუნით (არა პროგრამული). სერვისცენტრში, საგარანტიო მომსახურების მისაღებად, უნდა წარმოადგინოთ საგარანტიო ტალონი, გადახდის დამადასტურებელ
დოკუმენტთან და მწარმოებლის საგარანტიო ტალონთან ერთად (ასეთის არსებობის შემთხვევაში).

საგარანტიო ტალონში მითითებული უნდა იყოს:

● ნივთის დასახელება;
● სერიული/IMEI კოდი;
● მყიდველის ვინაობა;
● შეძენის თარიღი;
● გამყიდველი კომპანიის ბეჭედი;
● პასუხისმგებელი თანამშრომლისა და მყიდველის ხელმოწერები.

წინააღმდეგ შემთხვევაში, პროდუქტს საგარანტიო მომსახურება არ შეეხება.
სერვისცენტრში პროდუქციის დიაგნოსტიკის პერიოდია 1-7 სამუშაო დღე. ტექნიკური წუნის დადასტურების შემთხვევაში, სერვისი ვალდებულია, შეაკეთოს, ან თუ შეკეთება შეუძლებელია, შეცვალოს ნივთი ახლით, 30 სამუშაო დღის განმავლობაში.

გთხოვთ, გაითვალისწინეთ, რომ იცვლება მხოლოდ დეფექტური ნივთი და არა სრული კომპლექტაცია.


ტრანსპორტირების პირობები

დაზიანებული ტექნიკის ტრანსპორტირების ხარჯების ანაზღაურებას, სერვისცენტრამდე და უკან, უზრუნველყოფს მომხმარებელი, გარდა ქვემოთ ჩამოთვლილი გაბარიტული ტექნიკისა, რომელთა ტრანპოსტირების ხარჯებს ანაზღაურებს კომპანია.

● მაცივარი;
● გაზქურა;
● სარეცხი მანქანა;
● ჭურჭლის სარეცხი მანქანა;
● გამათბობელი;
● კონდიციონერი;
● ჩასაშენებელი ზედაპირი;
● ღუმელი (არა მიკროტალღური);
● გამწოვი;
● ტელევიზორი (43“ და ზემოთ).

სერვისცენტრის ცრუ გამოძახება ფასიანია და ანაზღაურდება მომხმარებლის მიერ.


საგარანტიო პირობები არ ვრცელდება:

● ოპერაციული სისტემის, პროგრამული უზრუნველყოფის ნებისმიერ დაზიანებაზე;
● ტექნიკაზე, რომელიც ფიზიკურად არის დაზიანებული, მაგალითად, გაკაწრული, გაბზარული, ჩაჭყლეტილი, დამწვარი, დამდნარი, დეფორმირებული, გატეხილი. ასევე, სითხით გამოწვეულ დაზიანებებზე, მათ შორის, იმ შემთხვევაში, თუ მოდელის სპეციფიკაციაში მითითებულია დაზიანების საწინააღმდეგო ფუნქციის არსებობა;
● თუ პროდუქციის ქარხნული სერიული ნომერი შეცვლილია, წაშლილია ან დაზიანებულია. დარღვეულია პროდუქციის ექსპლუატაციის წესები (ექსპლუატაციის წესები იხილეთ პროდუქციის თანდართულ დოკუმენტაციაში ან მწარმოებლის ვებგვერდზე);
● თუ დარღვეულია პროდუქციის გამოყენების წესები, სერვისცენტრი არ არის ვალდებული ნივთს ჩაუტაროს დიაგნოსტიკა;
● ეკრანის განსაზღვრული რაოდენობის მკვდარ წერტილებზე;
● ტექნიკაზე, რომელიც არასტანდარტული ქსელის ძაბვის ზემოქმედების შედეგად არის დაზიანებული;
● ტექნიკაზე, რომელზეც სამონტაჟო ან საგარანტიო სამუშაოები არ არის შესრულებული, უფლებამოსილი სერვისცენტრის სპეციალისტის მიერ;
● არაკვალიფიციური ან დაუდევრად გამოყენებული ტექნიკის დაზიანების შემთხვევაში;
● მონიტორის, ნოუთბუქის, ფოტოაპარატის ან ტელეფონის ეკრანის განსაზღვრული რაოდენობის მკვდარ წერტილებზე (დეტალური ინფორმაცია იხილეთ ტექნიკასთან დართულ დოკუმენტაციაში ან მწარმოებლის ვებგვერდზე).

კომპანია არ აგებს პასუხს სმარტფონების დარუთულ სისტემასა და კომპიუტერის არალიცენზირებული პროგრამების გამოყენებისას, ტექნიკის არასტაბილურ მუშაობაზე. სპეციფიკაციაში მითითებული დაზიანების საწინააღმდეგო ფუნქცია ამცირებს, მაგრამ არ გამორიცხავს ამ დაზიანების მიღების ალბათობას. მომხმარებელი ვალდებულია, დაიცვას შეძენილი ნივთი მექანიკური, თერმული და ჰიდრო დაზიანებისგან.


საგარანტიო პირობები არ ვრცელდება შემდეგ აქსესუარებსა და სახარჯ მასალებზე:

● მობილური ტელეფონის ყურსასმენი, USB კაბელი, დამტენი;
● პლანშეტის ყურსასმენი, USB კაბელი, დამტენი;
● პრინტერის კაბელები, კარტრიჯები;
● ტელევიზორის პულტი, დენის კაბელი, სათვალეები;
● მაცივრის ჰაერის გამასუფთავებელი (იონიზატორი), სათავსოები, თაროები, წყლის დისპენსერი, რეზინები, სახელურები, ნათურები,
დენის სადენი;
● სარეცხი მანქანის შემავალი და გამავალი მილები, ფხვნილის უჯრა, დენის სადენი, საკეტი, კარის რეზინი;
● მიკროტალღური ღუმელის თეფში, ნათურა, გრილი, სადგამი, ცხაური, ფილტრი, დენის სადენი;
● გაზქურის/ელ. ღუმელის ზედაპირის სადგამი, სახელური, კონფორი, რეზინი, დენის სადენი, ჩამრთველი, თვითწმენდის ფილტრი;
● გამწოვის ფილტრი, ნათურა, დენის სადენი;
● მტვერსასრუტის მილი, ჯაგრისი, ფილტრი, კონტეინერი, ელექტროსადენი.


სერვისცენტრი ვალდებულია:

1. შეაკეთოს დაზიანებული ტექნიკა, საგარანტიო ტალონში მითითებული პირობების შესაბამისად.
2. შეაკეთოს დაზიანებული ტექნიკა, სერვისცენტრში მიღებიდან 30 სამუშაო დღის განმავლობაში, გარდა შაბათ-კვირისა და ოფიციალური
დასვენების დღეებისა.




თუ ნივთი 30 დღის განმავლობაში ვერ შეკეთდა:

1. პროდუქტი ექვემდებარება შეცვლას, იგივე მოდელით (იცვლება მხოლოდ დეფექტური ნივთი და არა სრული კომპლექტაცია,
მაგალითად, აქსესუარები ან სახარჯი მასალები).
2. თუ იგივე მოდელი აღარ არის ხელმისაწვდომი, პროდუქტი შეიცვლება იდენტური სპეციფიკაციების მქონე სხვა მოდელით.

თანხის დაბრუნების წესი
თანხის დაბრუნება განიხილება მხოლოდ, როგორც ბოლო რიგის მოთხოვნა.

კონდიციონერის მონტაჟის პირობები

სტანდარტული მონტაჟი გულისხმობს:

● 40 სმ. სისქის სტანდარტული აგურის ან ბლოკის კედლის გახვრეტას (არ იგულისხმება ცივი ბეტონი, რიგელი, მონოლითი, პემზა და სხვა
არასტანდარტული კედელი);
● გარე აგრეგატის საკიდზე დამაგრებას;
● შიდა და გარე ბლოკის ერთმანეთთან დაკავშირებას, დენის კაბელით, 3 მეტრის რადიუსში (Panasonic-ის შემთხვევაში 2 მეტრის
რადიუსში);
● შიდა და გარე ბლოკის ერთმანეთთან დაკავშირებას, სპილენძის მილებით, 3 მეტრის რადიუსში (Panasonic-ის შემთხვევაში 2 მეტრის
რადიუსში);
● ტესტ რეჟიმზე ჩართვასა და ვარგისიანობის დადგენას;
● გამოყენების წესების გაცნობას.

არასტანდარტული მონტაჟი გულისხმობს:

● 40 სმ-ზე მეტი სისქის კედლის გახვრეტას;
● ორი კედლის გახვრეტას;
● მონოლითის, ცივი ბეტონის, რიგელის, პემზასა და სხვა არასტანდარტული კედლის გახვრეტას;
● დამატებით დამაკავშირებელ დენის კაბელს, თუ ბლოკებს შორის რადიუსი აღემატება 3 მეტრს, Panasonic-ის შემთხვევაში კი 2 მეტრს;
● დამატებით დამაკავშირებელ სპილენძის მილებს, თუ ბლოკებს შორის რადიუსი აღემატება 3 მეტრს, Panasonic-ის შემთხვევაში კი 2 მეტრს.

მონტაჟის საფასურის გამოთვლის წესი

იმ შემთხვევაში, თუ მონტაჟი ითვალისწინებს ზემოაღნიშნულიდან განსხვავებულ პარამეტრებს, მონტაჟი ჩაითვლება არასტანდარტულად და მისი ღირებულება შეთანხმდება ადგილზე, უშუალოდ, მემონტაჟესთან.

მონტაჟის მომსახურების მაღაზიაში შეძენის შემთხვევაში, პირობებს შეგიძლიათ გაეცანით სალაროსთან. ასევე, ინფორმაციის მოძიება შესაძლებელია ჩვენს ვებგვერდზე: www.alta.ge.

დამატებითი ინფორმაციის მისაღებად, გთხოვთ, დაგვიკავშირდით “ტექპოინტის” ცხელ ხაზზე: (+995) 032 2 42 22 15

სერვის ცენტრის მისამართები