ზაფხულის მოახლოებასთან ერთად, სახლის გაგრილება ერთ-ერთი მთავარი პრიორიტეტი ხდება, რადგან სწორად შერჩეული კლიმატური ტექნიკის გარეშე სიცხეში კომფორტის შენარჩუნება პრაქტიკულად შეუძლებელია. ხშირად ადამიანები ამ გადაწყვეტილებას ბოლო წუთამდე გადადებენ ხოლმე, რაც საბოლოოდ ნაჩქარევ შენაძენამდე მიდის. ასეთ დროს ყველაზე გავრცელებული პრობლემა ისაა, რომ მხოლოდ სახლში მიტანის შემდეგ აღმოაჩენენ ხოლმე შერჩეული მოწყობილობის ტიპი თუ სიმძლავრე მათი კონკრეტული სივრცისთვის ან არასაკმარისია, ან სრულიად ზედმეტი.
იმისთვის, რომ კონდიციონერმა სივრცე მაქსიმალურად ეფექტურად გააგრილოს და, ამავდროულად, ელექტროენერგიის ხარჯიც დაგიზოგოს, საუკეთესო გამოსავალი ძიების პროცესის წინასწარ დაწყებაა. სასურველია, შეძენამდე რამდენიმე კვირით ადრე დეტალურად გაეცნო ტექნიკურ მახასიათებლებს.
თუმცა მათაც კი, ვინც ძიებას წინასწარ იწყებს, გაგრილების სისტემის შერჩევა ზოგჯერ უჭირთ, რადგან ბაზარი მრავალფეროვანია და არჩევანი დამაბნეველი. სხვადასხვა ბრენდი, განსხვავებული სიმძლავრეები და დამატებითი ფუნქციები, რომელთა დანიშნულება ზოგჯერ არც გვესმის პროცესს დასაწყისში ართულებს. ეს ბლოგი ზუსტად მათთვისაა, ვინც არ იცის საიდან დაიწყოს - ვეცდებით მარტივად ავხსნათ მთავარი მახასიათებლები, ჩავშალოთ შედარებით რთული კონცეპტები და გაგიმარტივოთ არჩევანის გაკეთება.
კედლის კონდიციონერები - კლასიკური მოდელები, დიდი არჩევანი, ერგება ყველა სივრცეს
კედლის კონდიციონერები, იგივე სპლიტ სისტემები, უკვე კლასიკად ითვლება და ყველაზე პოპულარული ვარიანტია. ეს მოდელები ორი ძირითადი ნაწილისგან შედგება. შიდა ბლოკს ოთახის კედელზე ვამონტაჟებთ, ხოლო გარე ბლოკს - შენობის ფასადზე. ასე ხმაურიანი კომპრესორი გარე სივრცეში თავსდება, ხოლო საცხოვრებელ სივრცეში კი კონდიციონერის მუშაობის პროცესი მაქსიმალურად დაბალ ხმაურს გამოსცემს.
კედლის სისტემებს შორის დღეს ყველაზე პოპულარულია ინვერტორული კონდიციონერი. ინვერტორული კონდიციონერის ძრავის მუშაობის პრინციპი მკვეთრად განსხვავდება ტრადიციული მოდელებისგან. არა-ინვერტორული კონდიციონერის ძრავი მხოლოდ ორ რეჟიმში მუშაობს - ან სრული დატვირთვით ან გამორთულია.
არა-ინვერტორულისგან განხვავებით, ინვერტორულს აქვს ფუნქცია აკონტროლოს ძრავის მოძრაობის ტემპი. ინვერტორული ძრავი სრულად არ ითიშება. ოთახში სასურველი ტემპერატურის მიღწევისას, ის ბრუნვის სიჩქარეს ამცირებს და ტემპერატურას ოთახში სტაბილურად ინარჩუნებს. ეს მიდგომა ეფექტურია ელექტროენერგიის მოხმარების კუთხით. ამასთან, ნაკლები დატვირთვის გამო ძრავის ნაწილები ნაკლებად ცვდება და ტექნიკა უფრო დიდხანს გემსახურება.
გარდა სტანდარტული სისტემებისა, არსებობს მულტი-სპლიტ სისტემებიც. ამგვარ მოდელებში ერთ მძლავრ გარე ბლოკს რამდენიმე დამოუკიდებელი შიდა ბლოკი უერთდება. ეს ვარიანტი კარგად ამართლებს მაშინ, თუ რამდენიმე ოთახის გაგრილება გვინდა, მაგრამ ფასადზე ბევრი გარე ბლოკის დასამონტაჟებელი ადგილი არ არის. სპლიტ-სისტემა მოხერხებულია იმ მხრივაც, რომ ერთი ბლოკის მიუხედავად ცალკეულ ოთახებში ტემპერატურას ინდივიდუალურად არეგულირებს.
თუ ახალი კონდიციონერის შეძენას აპირებ, აუცილებლად გაეცანი ინვერტორული და არა-ინვერტორული, კლასიკური და მულტი-სპლიტის მოდელების მონაცემებს დეტალურად და კარგად დაფიქრდი იმაზე, რომელი უფრო გამოგადგება. ალტა კლიმატური ტექნიკის ფართო არჩევანს გთავაზობს, სადაც აუცილებლად იპოვი მოდელს, რომელიც შენს სივრცესა და ცხოვრების სტილს ზუსტად მოერგება.
პორტატული კონდიციონერი — როდის არის ის საუკეთესო გამოსავალი?
არის შემთხვევებიც, როცა სტანდარტული კედლის სისტემის დაყენება უბრალოდ შეუძლებელია. მაგალითად, ნაქირავებ ბინაში შესაძლოა მფლობელმა კედლის გახვრეტის უფლება არ მოგცეს. ასეთ დროს ყველაზე პრაქტიკული გადაწყვეტილება პორტატული კონდიციონერია. ამ ტიპის მოდელს არ სჭირდება რთული საინსტალაციო სამუშაოები, ამიტომ დაყენებას თავადაც, ხელოსნის დახმარების გარეშე, შეძლებ.
მისი მთავარი ხიბლი მობილურობაა. მუშაობის დასაწყებად მხოლოდ ფანჯარაში ცხელი ჰაერის გამწოვი მილის გაყვანა ან საგანგებოდ დატოვებული ღიობი სჭირდება. ხოლო თუ რამდენიმე ოთახის გაგრილება გინდა, შეგიძლია აირჩიო დასადგამი კონდიციონერი გორგოლაჭებით - ასეთი მოდელის ერთი ოთახიდან მეორეში გადატანა ძალიან მარტივია.
თუმცა გაითვალისწინე, რომ ამ ტიპის კონდიციონერი კედლის სისტემასთან შედარებით ოდნავ მეტ ხმაურს გამოსცემს. მიზეზი მარტივია - სპლიტ-სისტემის კომპრესორი ცალკე, შენობის გარეთ, თავსდება, პორტატული მოდელის კი უშუალოდ მისივე შიდა კორპუსშია მოთავსებული. ზოგიერთ შედარებით ძველ მოდელს დაგროვილი წყლის დაცლაც სჭირდება, თუმცა თანამედროვე მოდელების უმეტესობა ტენს თავისით აორთქლებს.
თუ ხშირად გიწევს საცხოვრებელი ადგილის შეცვლა, რამდენიმე ლოკაციაზე დროის პარალელურად გატარება, აგარაკზე ხშირად დადიხარ ან, უბრალოდ დღისით მისაღებ ოთახში მუშაობ, საღამოს კი საძინებელში გინდა სიგრილე, პორტატული კონდიციონერები პრაქტიკული და მოხერხებული არჩევანია.
მთავარი ტექნიკური მახასიათებლები — რას არის BTU?
როდესაც ვფიქრობთ როგორ შევარჩიოთ კონდიციონერი, სიმძლავრე ერთ-ერთ პირველ ადგილზე უნდა იყოს - მოდელის ოპტიმალური ზომის შემდეგ. კლიმატური ტექნიკის სიმძლავრე BTU (British Thermal Unit) ერთეულით იზომება.
BTU აჩვენებს, რა მოცულობის ჰაერს აგრილებს მოწყობილობა ერთ საათში. რაც უფრო დიდი ფართობის გაგრილება გჭირდება, მით უფრო მაღალი უნდა იყოს BTU. პატარა სიმძლავრის მოდელი დიდ ოთახს სათანადოდ ვერ გააგრილებს. დაგჭირდება, რომ გაუჩერებლად ჩართული იყოს, რის გამოც ძრავი ხურდება და მალე ფუჭდება. ზედმეტად მძლავრი მოდელი კი, პირიქით, პატარა ოთახში ზედმეტია და ელექტროენერგიას ტყუილად ხარჯავს.
სიმძლავრისა და ფართობის მიახლოებითი შესაბამისობა დაახლოებით ასე გამოიყურება:
9000 BTU — განკუთვნილია 25-30 კვ.მ ფართობისთვის. იდეალურია პატარა საძინებლისთვის ან სტანდარტული კაბინეტისთვის.
12000 BTU — კარგად აგრილებს 35-40 კვ.მ სივრცეს. გამოგადგება სტუდიოს ტიპის ბინებისთვის ან მისაღები ოთახისთვის.
18000 BTU — თავისუფლად ერევა 50-60 კვ.მ ფართობს. საკმარისია მთლიანად პატარა ბინისთვის, თუ შიდა კარებები ღიაა.
24000 BTU — გათვლილია 70-80 კვ.მ-ზე. იყენებენ დიდ ღია სივრცეებში. ამ ტიპის გაგრილების ტექნიკას კომერციულ ობიექტებშიც - მაგალითად, “ოფენ სფეის” ოფისებში - ხშირად შეხვდები.
ფართობის გარდა აუცილებლად უნდა გაითვალისწინო ჭერის სიმაღლე, ფანჯრების ზომასა და ოჯახში ადამიანების რაოდენობაც კი. თუ გასაგრილებელი ოთახი მზიან მხარესაა და დიდი ფანჯრები აქვს, ან შიგნით ბევრი სითბოს გამომყოფი ტექნიკა დგას, იქ სიგრილის შენარჩუნება უფრო დიდ სიმძლავრეს მოითხოვს. ამიტომ, სპეციალისტების რჩევაა სტანდარტულზე ერთი საფეხურით მძლავრი მოდელი შეარჩიო. ასე სივრცესაც უფრო ეფექტურად გააგრილებ და ტექნიკასაც ზედმეტი დატვირთვისგან დაიცავ.
დამატებითი ფუნქციები და ტექნოლოგიური ინოვაციები
თანამედროვე კონდიციონერები ხშირად Wi-Fi მართვის სისტემითაა აღჭურვილი. მობილური აპლიკაციით ტემპერატურის კონტროლი მაშინაც შეგიძლია, როცა სახლში არ ხარ. მაგალითად, შეგიძლია აპლიკაციის დახმარებით სამსახურიდან გამოსვლისას წინასწარ ჩართო კლიმატური სისტემა და სახლში დაბრუნებისას უკვე სიგრილე დაგხვდება.
გარდა ამისა, მწარმოებლები დიდ ყურადღებას უთმობენ ჰაერის ფილტრაციას. გაუმჯობესებული ფილტრები გაგრილებისას ჰაერს ნაწილობრივ წმენდს მტვრის ნაწილაკებსა და ალერგენებსაც. ოთახში მიკროკლიმატი უფრო ჯანსაღია, რაც განსაკუთრებით მნიშვნელოვანია თუ ოჯახში პატარა ბავშვი ან ალერგიის მქონე ადამიანია.
კიდევ ერთი პრაქტიკული ფუნქციაა "ღამის რეჟიმი" (Sleep Mode). ის ტემპერატურას ავტომატურად არეგულირებს, როცა მფლობელს ძინავს. სხეულის ტემპერატურის ცვლილებას მიჰყვება და ოთახს ძალიან არ აციებს. ეს ფუნქცია გაციების რისკებს ამცირებს და მშვიდი ძილისთვის კარგ პირობებს ქმნის.
რატომ უნდა შეიძინო კონდიციონერი ალტაში?
საყოფაცხოვრებო ტექნიკა დიდი ინვესტიციაა. როცა ვყიდულობთ, ვყიდულობთ იმ გათვლით, რომ კიდევ მრავალი წელი გვემსახურება. ამიტომ შერჩევისას მნიშვნელოვანია გვქონდეს გარანტია, რომ ნამდვილად ავთენტურ, მაღალი სტანდარტებით შექმნილ ტექნიკას ვყიდულობთ.
ალტა მოწინავე ტექნიკის მაღაზიათა ქსელია საქართველოში, რომელიც უკვე ათწლეულებია რაც მრავალ გლობალურ ბრენდთან ოფიციალურად თანამშრომლობს. კონდიციონერები ალტაში მწარმოებლის ოფიციალური საგარანტიო პირობებით იყიდება. ქარხნული წუნის ან ტექნიკური შეფერხების შემთხვევაში, ოფიციალური სერვისცენტრი პრობლემის მოგვარებაში დროულად დაგეხმარება.
ამასთან, ალტაში კლიმატური ტექნიკის ერთ-ერთი ყველაზე დიდი არჩევანია. თუ შენი საჭიროებებისა და ბიუჯეტის შესაფერისი მოდელის შერჩევა გიჭირს, ჩვენი გუნდი სიამოვნებით დაგეხმარება. გვეწვიე ფიზიკურ ფილეალებში კონსულტან ტთან გასასაუბრებლად ან დაგვიკავშირდი ვებსაიტიდან, ლაივჩატის ფუნქციის დახმარებით.
გაგვიზიარე ოთახის პარამეტრები და ალტას წარმომადგენელი შემოგთავაზებს რამდენიმე ვარიანტს, რომელიც შენს სივრცეში ყველაზე ეფექტურად იმუშავებს. ჩვენ ინფორმაციას გაგიზიარებთ, არჩევანს კი ყოველთვის შენ აკეთებ.
#განახლებისდროა
