Warranty Terms for “Outlet” Goods

მეორეული (ე.წ. აუთლეტ) ნივთების საგარანტიო პირობები

!     ფიზიკური პირის მიერ შეძენილ მეორეულ (ე.წ. აუთლეტ) ნივთებზე ვრცელდება გარანტია საგარანტიო დოკუმენტის პირველ გვერდზე მითითებული ვადით, თუმცა ნებისმიერ შემთხვევაში არაუმეტეს 6 (ექვსი) თვისა.

!     მეორეულ ნივთებთან მიმართებით მომხმარებლის უფლებების დაცვის შესახებ საქართველოს კანონის მე-17-მე-19 მუხლების მოქმედება არ ვრცელდება, ასევე არ ვრცელდება 2 წლიანი კანონისმიერი გარანტია და მეორეული ნივთების საგარანტიო ვადა განისაზღვრება მოცემული პირობებითა და საგარანტიო ფურცელით.

!     შემდგომი გაუგებრობის თავიდან აცილების მიზნით, გთხოვთ, ყურადღებით გაეცნოთ პუნქტებს სახელწოდებით: „საგარანტიო პირობების გამონაკლისები“ და „საგარანტიო მომსახურება არ ვრცელდება ან უქმდება შემდეგ შემთხვევებში:“.

!     მეორეული (აუთლეტ) ნივთები იყიდება არსებულ მდგომარეობაში („as is“), რაც გულისხმობს, რომ ნივთი იყიდება იმ ფაქტობრივი, ვიზუალური და ტექნიკური მდგომარეობით, რა მდგომარეობაშიც იგი იმყოფება მომხმარებლისათვის გადაცემის მომენტში.

!     მომხმარებელი ვალდებულია ნივთის მიღებისთანავე შეამოწმოს მისი ვიზუალური მდგომარეობა, კომპლექტაცია და ყველა ის მახასიათებელი, რომლის შემოწმებაც შესაძლებელია მიღების მომენტში. ნივთის მიღების შემდეგ არ მიიღება პრეტენზია ისეთ ვიზუალურ დეფექტზე, დაზიანებაზე ან კომპლექტაციის ნაკლებობაზე, რომლის გამოვლენაც შესაძლებელი იყო ნივთის მიღებისას მისი ჩვეულებრივი დათვალიერებით. მომხმარებელი უფლებამოსილია უარი თქვას ნივთის მიღებაზე, თუ გადაცემის მომენტში აღმოაჩენს ვიზუალურ დეფექტს ან სხვა აშკარა ნაკლს.

!   ყურსასმენების კომპონენტების სპეციფიკური კონსტრუქციის გამო, მექანიკური დაზიანებისას, რომელიც არ უკავშირდება მოწყობილობის თავდაპირველ ნაკლს, ან სხვა სახის ფასიან შეკეთებას, სათადარიგო ნაწილების ჩანაცვლება ვერ ხდება ვინაიდან, ცალკეული კომპონენტები დეფიციტურია.

!     ინდუსტრიაში არსებული სწრაფი ტექნოლოგიური ცვლილებებისა და მოდელების ხშირი განახლების გამო, მწარმოებლები სათადარიგო ნაწილების გამოშვებას ახორციელებენ შეზღუდული ვადით. შესაბამისად, თუ მოწყობილობის ინსტრუქციაში სხვაგვარად არ არის მითითებული, სათადარიგო ნაწილები მოვაჭრისთვის, როგორც წესი, ხელმისაწვდომია მოწყობილობის რეალიზაციიდან 2 წლის განმავლობაში, თუმცა დამოკიდებულია კონკრეტული ბრენდის პოლიტიკაზე. ამ ვადის გასვლის შემდეგ, მოვაჭრე ვერ იძლევა სათადარიგო ნაწილების ხელმისაწვდომობის გარანტიას.

საგარანტიო პირობების გამონაკლისები:

·       თუ ნივთი გამოიყენებოდა არა პირადი, არამედ კომერციული მიზნებისთვის;

·       გარანტია არ ვრცელდება სახარჯ მასალებზე, პროგრამულ უზრუნველყოფაზე, აპლიკაციებსა და იმ სახის დაზიანებაზე, რომელიც არ არის განპირობებული ტექნიკური წუნით/ხარვეზით;

·       გაითვალისწინეთ, რომ ნებისმიერი მოწყობილობის კამერა/ლინზა შესაძლებელია დაზიანდეს ინტენსიური სინათლის წყაროს, მათ შორის პირდაპირი მზის სხივის, ლაზერის ან სხვა სახის გამოსხივების ზემოქმედებით, აღნიშნული დაზიანება შესაძლებელია იმ შემთხვევაშიც, როდესაც მოწყობილობა გამორთულია, შესაბამისად, გთხოვთ მოარიდეთ მოწყობილობა ამ სახის გამოსხივებას, ვინაიდან იგი არ წარმოადგენს თავდაპირველ ნაკლს.

·       Apple iPhone 17 Pro-სა და iPhone 17 Pro Max-ის ნარინჯისფერი ფერის მოდელებთან მიმართებით დაფიქსირებულია ფერის არამდგრადობის შემთხვევები, რაც განპირობებულია მოწყობილობის ზედაპირის სპეციფიკური ფერით.
მოწყობილობის შეძენისას გთხოვთ გადაწყვეტილება მიიღოთ მოცემული ინფორმაციის გათვალისწინებით, ვინაიდან, შემდგომში მოწყობილობის კორპუსის/საფარის ფერის ცვლილება არ მიიჩნევა თავდაპირველ ნაკლად.

საგარანტიო პირობები:

·       ნივთის შეკეთება ხდება ბრენდის ოფიციალურ სერვის-ცენტრში/სერვისის პუნქტში;

·       სერვის-ცენტრში/სერვისის პუნქტში საგარანტიო მომსახურების მისაღებად უნდა წარადგინოთ საგარანტიო ტალონი, გადახდის დამადასტურებელ დოკუმენტთან ერთად, ასევე მწარმოებლის საგარანტიო ტალონი (ასეთის არსებობის შემთხვევაში);

·       საგარანტიო ტალონში აუცილებლად უნდა იყოს აღნიშნული ნივთის დასახელება, სერიული/იმეი კოდი, მყიდველის ვინაობა, შეძენის თარიღი, გამყიდველი კომპანიის ბეჭედი, პასუხისმგებელი თანამშრომლის და მყიდველის ხელმოწერები. წინააღმდეგ შემთხვევაში ნივთს საგარანტიო მომსახურება არ შეეხება;

·       გაბარიტული ტექნიკის: იგულისხმება მაცივარი, გაზქურა, სარეცხი მანქანა, ჭურჭლის სარეცხი მანქანა, გამათბობელი, კონდიციონერი, ჩასაშენებელი ზედაპირი, ღუმელი (არა მიკრო ტალღური), გამწოვი, ტელევიზორი, რომლის დიაგონალიც არის არანაკლებ 43” მომხმარებელმა გამოძახების გასაფორმებლად და ინსტრუქციების მისაღებად უნდა დარეკოს ტექპოინტის/სერვისის პუნქტის ცხელ ხაზზე: (+995) 32 2422215;

·       საგარანტიო პირობებთან დაკავშირებით დამატებითი კითხვების არსებობის შემთხვევაში, გთხოვთ დაგვიკავშირდით შემდეგ საკონტაქტო ნომრებზე: *3838 ან 032 2 38 38 38 ან ეწვიეთ მაღაზიებს;

·       გთხოვთ გაითვალისწინოთ, რომ სერვის-ცენტრის/სერვისის პუნქტის წარმომადგენლის უსაფუძვლოდ ან საგარანტიო პირობებთან შეუსაბამოდ გამოძახება (მათ შორის, იმ შემთხვევაში, თუ ხარვეზი არ დადასტურდა) ფასიანია და აღნიშნული სერვისის ხარჯი დაეკისრება მომხმარებელს;

·       სერვის-ცენტრი/სერვისის პუნქტი ვალდებულია, შეაკეთოს დაზიანებული ტექნიკა საგარანტიო ტალონის პირობების გათვალისწინებით, სერვის-ცენტრში/სერვისის პუნქტში ნივთის მიღების მომენტიდან 30 სამუშაო დღის განმავლობაში (არ შედის შაბათ-კვირა და ოფიციალური დასვენების დღეები). იმ შემთხვევაში, თუ ნივთის შეკეთება ვერ მოხერხდა, მომხმარებელს დაუბრუნდება გადახდილი თანხა. ვინაიდან ნივთი არის მეორეული არცერთ შემთხვევაში არ მოხდება ნივთის ახლით შეცვლა.

საგარანტიო მომსახურება არ ვრცელდება ან უქმდება შემდეგ შემთხვევებში:

·       გასულია საგარანტიო ვადა;

·       საგარანტიო ტალონი არ არის წარმოდგენილი;

·       არ არის წარმოდგენილი გადახდის დამადასტურებელი ქვითარი/ზედნადები;

·       არ არის წარმოდგენილი მწარმოებლის საგარანტიო ტალონი (არსებობის შემთხვევაში);

·       საგარანტიო ტალონში მონაცემები შეცვლილია, წაშლილია ან გადაკეთებულია;

·       საგარანტიო ტალონში და მოწყობილობის კორპუსზე არ იკითხება ან ამძვრალია სერიული/ნომერი, IMEI კოდი;

·       ნივთს აღენიშნება ვიზუალური ან მექანიკური დაზიანება/დეფექტი, რამაც გამოიწვია ნივთის მწყობრიდან გამოსვლა ან რასაც უკავშირდება მომხმარებლის პრეტენზია;

·       ნივთი გამოიყენებოდა მისი დანიშნულების შეუსაბამო მიზნ(ებ)ით, არასაყოფაცხოვრებო დანიშნულებისათვის;

·       დაზიანებულია ან ამძვრალია პლომბი ან ლუქი;

·       დარღვეულია მწარმოებლის ან მოვაჭრის მიერ ნივთზე თანდართული მათ შორის ვებ-გვერდზე (www.alta.ge) განთავსებული (ასეთის არსებობისას) მოწყობილობის/ნივთის შენახვისა და მოხმარების წესი;

·       დაზიანება გამოწვეულია კომპიუტერული ვირუსის ან შეუსაბამო ფაილ(ებ)ის მიერ;

·       დაზიანება გამოწვეულია ელ. ქსელის გაუმართაობით (ძაბვის ცვლილება მეტია ან ნაკლებია 220-230 ვოლტზე), მექანიზმის დანესტიანებით, გარე/უცხო სხეულის/წარმონაქმნის შეღწევით, კოროზიით, მაღალი ან დაბალი ტემპერატურის ზემოქმედებით, ექსპლუატაციის და შენახვის წესების/პირობების დარღვევით, ჩატარებული არაკვალიფიკაციური სარემონტო/სამონტაჟო სამუშაოების შედეგად;

·       გარანტია არ ვრცელდება სისტემური ბლოკის კვების ბლოკზე, ნივთის ელემენტზე, ხუთ ცალამდე ჩამქრალ პიქსელზე, მეხსიერების ბარათზე, სადენებზე, გადამყვანებზე, დამტენ მოწყობილობასა და სხვა აქსესუარებზე;

·       გარანტია არ ვრცელდება სმარტფონების შეცვლილ (ე.წ. „დარუთულ“) სისტემასა და არალიცენზირებული პროგრამების გამოყენების შედეგად გამოწვეულ ტექნიკის არასტაბილურ მუშაობაზე;

·       მობილური ტელეფონის ყურსასმენზე, სადენსა ან დამტენზე;

·       ტექნიკაზე, რომელზეც სამონტაჟო ან საგარანტიო სამუშაოები არ არის შესრულებული უფლებამოსილი სერვის-ცენტრის/სერვისის პუნქტის სპეციალისტის მიერ.

სერვისის მისაღებად მიმართეთ შემდეგ პუნქტებს/სერვის-ცენტრებს მითითებულ მისამართებზე

Samsung-ის ბრენდის შემთხვევაში მომხმარებელი ნებისმიერ დროს უნდა დაუკავშირდეს სამსუნგის ცხელ ხაზს - 0 800 55 55 55; ცხელი ხაზის სამუშაო საათები: ორშაბათი-პარასკევი: 09:00-18:00; შაბათ-კვირა: დასვენების დღე.

Apples იფიციალური სერვისი მისამართი: აისაფორთი, თბილისი, ს.ცინცაძის ქ.#12 (+995) 32 230 10 01;

სამუშაო საათები: ორშაბათი-პარასკევი: 10:00-19:00, შაბ: 10:00-15:00, კვირა: დასვენების დღე.

LG-ის ოფიციალური სერვისის მისამართი თბილისში: ქ.თბილისი, ა.წერეთლის #116, ტელ: 0322 000 333, თბილისის სერვისის სამუშაო საათები: ორშაბათი-პარასკევი 10:00-19:00, შაბათ-კვირა: დასვენების დღე.

LG-ის ოფიციალური სერვისის მისამართი ქუთაისში: ქ. ქუთაისი, ირაკლი აბაშიძის ქ. # 10 (ტექპოინტი ქუთაისი), სამუშაო საათები: ორშაბათი-პარასკევი: 10:00-19:00, შაბ: 10:00-15:00, კვირა: დასვენების დღე.

ელექტროლუქსი და AEG -ს ბრენდის შემთხვევაში, მომხმარებელი ნებისმიერ დროს უნდა დაუკავშირდეს ბრენდის ცხელ ხაზს ნომერზე +995 800 000 828. ცხელი ხაზის სამუშაო საათები: ორშაბათი-პარასკევი: 10:00-18:00 სთ, შაბათ-კვირა: დასვენების დღე.