სარეცხი, სარეცხ-საშრობი და საშრობი მანქანის გამოყენების ძირითადი წესები

🚚 ტრანსპორტირების და მონტაჟის წესები 

✔ მოწყობილობის ტრანსპორტირება უნდა განხორციელდეს შეფუთულ მდგომარეობაში, ვერტიკალურად. 

✔ მოწყობილობის გადატანა აუცილებელია ორი ადამიანის მეშვეობით 

✔ პირველ გამოყენებამდე აუცილებელია ტრანსპორტირების ჭანჭიკების მოხსნა. 

⚠ ტრანსპორტირების ან არასწორი მონტაჟის შედეგად მიღებული დაზიანება (მაგ.: ბარაბნის დაზიანება, კორპუსის დეფორმაცია, წყლის გაჟონვა) ითვლება გარე ფაქტორით გამოწვეულ შემთხვევად და არ ექვემდებარება საგარანტიო მომსახურებას. 

📍 განთავსება 

✔ განათავსეთ მოწყობილობა ჰორიზონტალურ, მყარ და სტაბილურ ზედაპირზე 
✔ უზრუნველყავით მინიმუმ 2–5 სმ სივრცე გვერდებზე და 5-10 სანტიმეტრი უკან 

✖ არ განათავსოთ რბილ ზედაპირზე (ხალიჩა, რბილი იატაკი) 

⚠ მოწყობილობის გარშემო არასაკმარისი სივრცის დატოვების შემთხვევაში ირღვევა ვენტილაცია, რაც იწვევს შიდა ტემპერატურის ზრდას. გადახურებამ შესაძლოა გამოიწვიოს ელექტრონული კომპონენტების დაზიანება და მოწყობილობის მუშაობის შეფერხება. 

⚠ მოწყობილობის რბილ ზედაპირზე (მაგ.: ხალიჩა, რბილი იატაკი და სხვა) განთავსებისას შესაძლოა დაიფაროს ვენტილაციის ხვრელები, რაც ხელს უშლის ჰაერის ნორმალურ ცირკულაციას და ზრდის გადახურების რისკს. 

🌡️ გარემო პირობები 

✔ გამოიყენეთ მხოლოდ შიდა სივრცეში 
✔ გამოიყენეთ ოთახის ტემპერატურის პირობებში 

✖ არ გამოიყენოთ ღია აივანზე 
✖ არ გამოიყენოთ მაღალი ტენიანობის პირობებში 

⚠ წვიმამ, თოვლმა,მტვერმა,უცხო ნაწილაკებმა, მწერებმა, ტემპერატურის მკვეთრმა ცვლილიებამ ან მაღალი ტენიანობის გარემომ შეიძლება გამოიწვიოს: 

• ელექტრონული მოდულის დაზიანება 

• ელექტრული კონტაქტების დაჟანგვა 

• მოკლე ჩართვა 

• მეტალის ნაწილების კოროზია  

• ტუმბოს, ფილტრების ან სხვა მექანიზმების დაზიანება 

🔌 ელექტრო და წყლის მიერთება 

✔ გამოიყენეთ დამიწებული ელექტრო როზეტი 

✖ არ გამოიყენოთ დაზიანებული კაბელი 
✖ არ გამოიყენოთ არასტანდარტული გადამყვანები, დამაგრძელებლები 

წყლის მიწოდების მილის სწორად მიერთება 

✔ წყლის მიწოდების მილი უნდა იყოს მჭიდროდ მიერთებული წყლის ონკანსა და მოწყობილობის შესაბამის შესაერთებელთან 

✔ მილის შეერთების ადგილები უნდა იყოს ჰერმეტული, რათა არ მოხდეს წყლის გაჟონვა 

✔ წყლის ონკანი უნდა იყოს სრულად გახსნილი მოწყობილობის მუშაობის დროს 

✔ მილი არ უნდა იყოს გადაჭიმული, დაკეცილი ან დაზიანებული, რადგან ეს ხელს უშლის წყლის ნორმალურ მიწოდებას. 

✔ აუცილებელია სტანდარტული წყალმომარაგების წნევის პირობებში გამოყენება. 

დამცლელი (დრენაჟის) მილის სწორად მიერთება 

✔ დამცლელი მილი უნდა იყოს საიმედოდ მოთავსებული კანალიზაციის მილში ან სპეციალურ დრენაჟის გამოსავალში 

✔ დამცლელი მილის ბოლო უნდა იყოს ფიქსირებული, რათა მუშაობის დროს არ ამოვარდეს 
✔ დამცლელი მილი არ უნდა იყოს დაკეცილი ან გადაკეცილი, რადგან ეს ხელს უშლის წყლის გადინებას. 
✔ დამცლელი მილის ბოლო უნდა განთავსდეს იატაკიდან დაახლოებით 60–100 სმ სიმაღლეზე, რათა უზრუნველყოფილი იყოს წყლის სწორად გადინება 

⚠ ელექტრო ქსელის ან წყლის არასწორი მიერთებით გამოწვეული დაზიანება ითვლება არასწორი ექსპლუატაციით გამოწვეულ შემთხვევად. შესაძლოა გამოიწვიოს მოკლე ჩართვა,ხანძარი ან სივრცის წყლით დატბორვა. შესაძლოა გამოიწვიოს მოწყობილობის დაზიანება 

⚙️ ექსპლუატაცია 

✔ გამოიყენეთ მხოლოდ სარეცხი მანქანისთვის განკუთვნილი სარეცხი საშუალებები, ჩასახმელ ადგილას მითითებული ზღვრული ოდენობით 

✔ არ გადააჭარბოთ ბარაბნის მაქსიმალურ დატვირთვას 

✖ არ გახსნათ კარი მუშაობის პროცესში 

✔ რამდენიმე სარეცხი/საშრობი ციკლის შესრულების შემთხვევაში რეკომენდებულია მოწყობილობას მიეცეს დასვენების დრო მინიმუმ 40–50 წუთი, რათა შემცირდეს გადახურების რისკი 

✔ სარეცხში/საშრობში მოთავსებამდე შეამოწმეთ ტანსაცმლის ჯიბეები და ამოიღეთ მონეტები, ლითონის საგნები და სხვა მყარი ნივთები 

⚠ უცხო საგნებმა შეიძლება დააზიანოს ბარაბანი, ტუმბო ან ფილტრი. 

⚠ შესაძლოა გამოიწვიოს მოწყობილობის დაზიანება. 

მოწყობილობის მუშაობის ინტენსივობა 

✔ მოწყობილობის 1–2 სარეცხი/საშრობი ციკლის შესრულება ზედიზედ ითვლება ნორმალურ ექსპლუატაციად. 

✔ 3 ციკლის ზედიზედ შესრულების შემთხვევაში რეკომენდებულია მოწყობილობის 40–50 წუთით გამორთვა, რათა მოხდეს შიდა კომპონენტების გაგრილება. 

⚠ 4 ან მეტი ციკლის უწყვეტად შესრულებამ შეიძლება განაპირობოს მოწყობილობის გადახურება, კომპონენტების დაჩქარებული ცვეთა და მუშაობის შეფერხება. 

⚠ ინტენსიური გამოყენებით (4 ან მეტი უწყვეტი ციკლი, იგულისხმება შემთხვევა როცა მოწყობილობით სარგებლობის ინტერვალი 40 წუთზე ნაკლებია) გამოწვეული დაზიანება შეიძლება ჩაითვალოს არასწორი ექსპლუატაციის შედეგად წარმოშობილ შემთხვევად. 

🧼 მოვლა და წმენდა 

✔ რეგულარულად გაასუფთავეთ ფილტრი 
✔ პერიოდულად ჩაატარეთ ბარაბნის წმენდა 

✔სარეცხი/საშრობი ციკლის დასრულების შემდეგ რეკომენდებულია კარი დატოვოთ ნახევრად ღია მდგომარეობაში 1–2 საათის განმავლობაში, რათა ბარაბანი და რეზინის მანჟეტი სრულად გამოშრეს და შემცირდეს ობის წარმოქმნის რისკი 

✖ არ გამოიყენოთ ძლიერი ქიმიური საშუალებები, გამოიყენეთ მოწყობლობის წმენდისათვის დაშვებული  საშუალებები 

⚠ შესაძლოა გამოიწვიოს მოწყობილობის დაზიანება.

🚫 თვითნებური ჩარევა 

✖ აკრძალულია მოწყობილობის გახსნა 
✖ აკრძალულია არაავტორიზებული შეკეთება 

❗ ზემოაღნიშნული წესების დარღვევა შეიძლება გახდეს მოწყობილობის დაზიანებისა და საგარანტიო მომსახურების გაუქმების საფუძველი.