📺 ტელევიზორის გამოყენების ძირითადი წესები

 

🚚 ტრანსპორტირების და მონტაჟის წესები(ფოტოები იხილეთ წესების ბოლოში)

✔ ტელევიზორის მაღაზიიდან ტრანსპორტირება უნდა განხორციელდეს შეფუთულ და ვერტიკალურ მდგომარეობაში, უძრავად; რისკების თავიდან ასაცილებლად ტრანსპორტირება დაუკვეთეთ უშუალოდ გამყიდველს;

✔ ტელევიზორი შეფუთვიდან არ ამოიღოთ ეკრანზე თითების მიჭერით, თითები ამოღებისას უნდა ეხებოდეს ჩარჩოს და არა ეკრანს, აუცილებელია ტელევიზორი შეფუთვიდან ამოიღოს ორმა ადამიანმა;

✔  ტელევიზორი კედელზე აუცილებელად ორმა ადამიანმა უნდა დაამონტაჟოს, რათა მისი სიმძიმიდან გამომდინარე, თავიდან იქნას აცილებული ეკრანზე ან კორპუსზე ხელის  დაჭერა და ძალის დატანება;

✔ ტელევიზორის სადგამის მონტაჟის პროცესში, ტელევიზორი უნდა მოთავსდეს მყარ ზედაპირზე, მაქსიმალური სიფრთხილით, იმგვარად, რომ ზედაპირს ეხებოდეს პლასტმასის კორპუსი და არა ტელევიზორის ეკრანი;

✔ კედელზე მონტაჟისას გამოიყენეთ მხოლოდ შესაბამისი სამაგრი და კვალიფიციური სპეციალისტის მომსახურება, რისკების თავიდან ასაცილებლად მონტაჟი დაუკვეთეთ უშუალოდ გამყიდველს;

📌 ტრანსპორტირების ან არასწორი მონტაჟის შედეგად მიღებული დაზიანება, მაგალითად: ზოლები ეკრანზე, ეკრანში მელნის ჩაღვრა(მათ შორის გარეგანი დაზიანების კვალის გარეშე), ნივთის გატეხვა,გაბზარვა და დეფორმირება ითვლება გარე ფაქტორით გამოწვეულ შემთხვევად და არ ექვემდებარება საგარანტიო მომსახურებას.

წინასწარ დაინსტალირებული აპლიკაციები

ტელევიზორზე წინასწარ დაინსტალირებული აპლიკაციები წარმოადგენს მესამე მხარის პროგრამულ უზრუნველყოფას. მათი ფუნქციონირება, განახლება და მხარდაჭერის ხანგრძლივობა დამოკიდებულია შესაბამის პლატფორმასა და პლატფორმის მწარმოებელზე. აღნიშნული აპლიკაციების მხარდაჭერა შესაძლოა დროთა განმავლობაში შეიცვალოს, შეიზღუდოს ან სრულად შეწყდეს, რაც არ წარმოადგენს ტელევიზორის ტექნიკურ ხარვეზს და არ იწვევს გამყიდველის პასუხისმგებლობას.

📍 განთავსება და ვენტილაცია

✔ განათავსეთ ტელევიზორი მყარ და სტაბილურ ზედაპირზე ან შესაბამის სამაგრზე
✔ უზრუნველყავით ჰაერის ცირკულაცია ყველა მხრიდან
✔ უკანა მხარე: მინ. 5–10 სმ
✔ გვერდები: მინ. 5 სმ
✔ ზედა ნაწილი: მინ. 10 სმ
✖ არ განათავსოთ კედელთან მჭიდროდ ან ჩაშენებულ სივრცეში ვენტილაციის გარეშე

🌡️ გარემო პირობები

✔ გამოიყენეთ მხოლოდ შიდა სივრცეში

✔ გამოიყენეთ ოთახის ტემპერატურის პირობებში
✖ არ გამოიყენოთ აივანზე, ავტოფარეხში ან მაღალი ტენიანობის პირობებში

🔌 ელექტრომომარაგება

✔ შეაერთეთ დამიწებულ კედლის როზეტში
✔ გამოიყენეთ მხოლოდ ორიგინალი კაბელი
✖ არ გამოიყენოთ გამყოფი ან დაზიანებული კაბელი

✖ არ გამოიყენოთ დამაგრძელებელი

📌 დამაგრძელებლის ან გადამყვანის გამოყენებით გამოწვეული ნებისმიერი დაზიანება ითვლება არასწორი ექსპლუატაციით გამოწვეულ შემთხვევად და საგარანტიო მომსახურებაზე არ ვრცელდება.

⚡ ჩართვა და გამორთვა

✔ ჩართვა/გამორთვა მოახდინეთ პულტით ან ღილაკით

✖ არ ჩართოთ/გამორთოთ ხშირი ინტერვალებით

✔ ჭექა-ქუხილის დროს რეკომენდებულია ტელევიზორის გამორთვა ელექტროქსელიდან

✖ არ დატოვოთ ტელევიზორი ჩართული ჭექა-ქუხილის დროს

📌 ჭექა-ქუხილის დროს წარმოქმნილმა ძაბვის იმპულსმა შესაძლოა დააზიანოს ტელევიზორის კვების ბლოკი, მთავარი პლატა ან პორტები. აღნიშნული დაზიანება ითვლება გარე ფაქტორით გამოწვეულ შემთხვევად.

💧 სითხე და ტენიანობა

✔ დაიცავით ტელევიზორი სითხისგან
✖ არ დაუშვათ წყლის ან სხვა სითხის მოხვედრა
✖ არ განათავსოთ აკვარიუმთან ან ვაზებთან

🧼 ეკრანის წმენდა

✔ გაწმინდეთ გამორთულ მდგომარეობაში
✔ გამოიყენეთ რბილი მშრალი ტილო
✖ არ გამოიყენოთ ქიმიური ან სპირტიანი საწმენდები

🖐️ მექანიკური ზემოქმედება

✔ დაიცავით ეკრანი დარტყმისგან
✖ არ დააწვეთ ეკრანს
✖ არ გადაადგილოთ ჩართული მდგომარეობაში

🐜🦟 მწერებისგან დაცვა

✔ გამოიყენეთ სუფთა საცხოვრებელ გარემოში

✖ არ გამოიყენოთ გარემოში, სადაც არის კოღოები, ჭიანჭველები, ტარაკნები ან სხვა მწერები

✖ არ განათავსოთ იატაკთან ძალიან ახლოს ან ღია ფანჯრებთან

🚫 თვითნებური ჩარევა

✖ აკრძალულია მოწყობილობის გახსნა
✖ აკრძალულია არაავტორიზებული შეკეთება

❗ ზემოაღნიშნული წესების დარღვევა შეიძლება გახდეს ტელევიზორის დაზიანებისა და საგარანტიო მომსახურების გაუქმების საფუძველი.