საგარანტიო პირობები მეწარმე/იურიდიული პირებისთვის

საგარანტიო პირობები მეწარმე/იურიდიული პირებისთვის

 საგარანტიო პირობები ვრცელდება მეწარმე/იურიდიულ პირებზე, არასამეწარმეო (არაკომერციულ) იურიდიულ პირებსა და სახელმწიფო ორგანიზაციებზე.

კომპანიაში შეძენილ ნივთზე საგარანტიო ვადა შეადგენს არაუმეტეს 1 (ერთი) წელს, თუ საგარანტიო ტალონის პირველ გვერდზე ან მხარეთა შორის შეთანხმებით სხვა ვადა არ არის განსაზღვრულ.

ტექნიკაზე, რომელიც გამოიყენება უშუალოდ სამეწარმეო, პროფესიული ან კომერციული საქმიანობისთვის, ან რომლის ექსპლუატაციის ინტენსივობა, თავისი ხასიათიდან გამომდინარე,  აღემატება ჩვეულებრივ საყოფაცხოვრებო გამოყენების რეჟიმს (მათ შორის, ინტენსიური საოფისე ან კომერციული მოხმარების შემთხვევაში), საგარანტიო ვადა შეადგენს არაუმეტეს 2 (ორი) თვეს.

ნებისმიერი მოწყობილობის ბატარეებზე, ელემენტებსა და დამტენ მოწყობილობებზე საგარანტიო ვადა შეადგენს შესაბამისი მოწყობილობისათვის დადგენილი საგარანტიო ვადის ნახევარს, თუ საგარანტიო ტალონით ან მწარმოებლის პირობებით სხვა რამ არ არის განსაზღვრული.

მეწარმე/იურიდიული პირი ნივთის შეძენით/მიღებით ადასტურებს, რომ მოწყობილობის ექსპლუატაციის, მონტაჟის, უსაფრთხოების, მოვლისა და სხვა ინსტრუქციები შესაძლოა მიწოდებულ იქნეს ინგლისურ ან სხვა უცხო ენაზე. მყიდველი აცხადებს, რომ აღნიშნული გარემოება მისთვის ცნობილია, ეთანხმება მას და მიიჩნევს საკმარისად ხელშეკრულებით გათვალისწინებული ვალდებულებების შესასრულებლად. შესაბამისად, ქართულენოვანი ინსტრუქციის ან ექსპლუატაციის წესების არარსებობა არ წარმოადგენს საქონლის ნაკლს, ხელშეკრულების დარღვევას ან საგარანტიო შემთხვევას და არ წარმოშობს გამყიდველის მიმართ რაიმე სახის სამართლებრივი, სახელშეკრულებო ან კომერციული პრეტენზიის, მოთხოვნის ან პასუხისმგებლობის საფუძველს.

საგარანტიო მომსახურება მოიცავს ოფიციალური ბრენდის მიერ დადგენილ პირობებს და ითვალისწინებს ნივთის უფასო შეკეთებას, საგარანტიო პერიოდში. საგარანტიო მომსახურება ხორციელდება ტექპოინტის სერვისცენტრში, საგარანტიო ტალონში მითითებულ მისამართებზე.

გარანტია ვრცელდება ტექნიკის იმ ტიპის დაზიანებაზე, რომელიც განპირობებულია ტექნიკური წუნით (არა პროგრამული). სერვისცენტრში, საგარანტიო მომსახურების მისაღებად, უნდა წარმოადგინოთ საგარანტიო ტალონი, გადახდის დამადასტურებელ დოკუმენტთან და მწარმოებლის საგარანტიო ტალონთან ერთად (ასეთის არსებობის შემთხვევაში).

გარანტია მოქმედებს საქართველოს ტერიტორიაზე

საგარანტიო ტალონში მითითებული უნდა იყოს:

● ნივთის დასახელება;

● სერიული/IMEI კოდი;

● მყიდველის ვინაობა;

● შეძენის თარიღი;

● გამყიდველი კომპანიის ბეჭედი;

● პასუხისმგებელი თანამშრომლისა და მყიდველის ხელმოწერები.

წინააღმდეგ შემთხვევაში, პროდუქტს საგარანტიო მომსახურება არ შეეხება.

სერვისცენტრში პროდუქციის დიაგნოსტიკის პერიოდია 1-12 სამუშაო დღე. ტექნიკური წუნის დადასტურების შემთხვევაში, სერვისი ვალდებულია, შეაკეთოს, ან თუ შეკეთება შეუძლებელია, შეცვალოს ნივთი ახლით, ნივთის სერვის-ცენტრში წარმოდგენიდან 30 სამუშაო დღის განმავლობაში.

გთხოვთ, გაითვალისწინეთ, რომ იცვლება მხოლოდ დეფექტური ნივთი და არა სრული კომპლექტაცია.

ზოგადი მითითებები

!შემდგომი გაუგებრობის თავიდან აცილების მიზნით, გთხოვთ, ყურადღებით გაეცნოთ პუნქტებს სახელწოდებით: „საგარანტიო პირობების გამონაკლისები“ და „საგარანტიო მომსახურება არ ვრცელდება ან უქმდება შემდეგ შემთხვევებში:“.

!მომხმარებელი ვალდებულია ნივთის მიღებისთანავე შეამოწმოს მისი ვიზუალური მდგომარეობა, კომპლექტაცია და ყველა ის მახასიათებელი, რომლის შემოწმებაც შესაძლებელია მიღების მომენტში. ნივთის მიღების შემდეგ არ მიიღება პრეტენზია ისეთ ვიზუალურ დეფექტზე, დაზიანებაზე ან კომპლექტაციის ნაკლებობაზე, რომლის გამოვლენაც შესაძლებელი იყო ნივთის მიღებისას მისი ჩვეულებრივი დათვალიერებით. მომხმარებელი უფლებამოსილია უარი თქვას ნივთის მიღებაზე, თუ გადაცემის მომენტში აღმოაჩენს ვიზუალურ დეფექტს ან სხვა აშკარა ნაკლს.

!იმ საქონლის/ნივთის ბუნებიდან გამომდინარე, რომელიც მიეკუთვნება აქსესუარებს, დამცავ ფირებს, შესაფუთებს (ქეისებს) ან/და რომლის მასალაზეც (ტყავი, ტყავისებრი მასალა, წებო, სილიკონი, პლასტიკი, რეზინა, ქსოვილი, ქაღალდი და სხვა) ხორციელდება ინტენსიური ან ხშირი ფიზიკური ზემოქმედება (მაგ: ყოველდღიური შეხება, უწყვეტი კონტაქტი სხეულის ბუნებრივ ცხიმთან 5 წუთზე მეტი ხანგრძლივობით, კონტაქტი კოსმეტიკურ ან სადეზინფექციო/საწმენდ საშუალებებთან), ექსპლუატაციის პროცესში წარმოშობილი მასალის თვისობრივი ცვლილებები (მათ შორის: ფერისცვალება, ელასტიურობის დაკარგვა, ზედაპირის დათხელება, დეფორმაცია, დაფხაჭნა ან მდგრადობის რღვევა) წარმოადგენს ნივთისთვის დამახასიათებელ ბუნებრივ ცვეთას და არ განეკუთვნება ქარხნულ წუნს.

! მოწყობილობის ისეთი სახარჯი მასალებისა და აქსესუარების დაბლაგვება, ცვეთა ან რესურსის ამოწურვა, რომელთა მდგომარეობა დამოკიდებულია ექსპლუატაციის ინტენსივობაზე (მათ შორის: საპარსი მოწყობილობის პირები/ბადეები/ფილტრები, ეპილატორის თავაკები, კბილის ჯაგრისის საცვლელი თავები და სხვა მსგავსი კომპონენტები) წარმოადგენს ნივთის ნორმალური ცვეთის შედეგს და არ მიეკუთვნება მოწყობილობის  ქარხნული წუნის კატეგორიას.

! გაითვალისწინეთ, რომ ნებისმიერი მოწყობილობის კამერა/ლინზა შესაძლებელია დაზიანდეს ინტენსიური სინათლის წყაროს, მათ შორის პირდაპირი მზის სხივის, ლაზერის ან სხვა სახის გამოსხივების ზემოქმედებით, აღნიშნული დაზიანება შესაძლებელია იმ შემთხვევაშიც, როდესაც მოწყობილობა გამორთულია, შესაბამისად, გთხოვთ მოარიდეთ მოწყობილობა ამ სახის გამოსხივებას, ვინაიდან ამ გზით გამოწვეული დაზიანება არ წარმოადგენს  ქარხნულ წუნს.

! მოწყობილობის წყალგაუმტარობის მიუხედავად, ნებისმიერი მოწყობილობის მდგრადობა შესაძლოა დაირღვეს და მოწყობილობა გამოვიდეს მწყობრიდან მისი წყალში მოთავსების შემთხვევაში, გთხოვთ გაითვალისწინეთ, რომ მოწყობილობის ამ მიზეზით დაზიანება არ წარმოადგენს ქარხნულ წუნს.

! ნებისმიერი მოწყობილობის ელემენტის მოცულობის კლება არ განიხილება ქარხნულ წუნად და წარმოადგენს მოწყობილობის ბუნებრივი ცვეთის შედეგს

სერვისცენტრის ცრუ გამოძახება ფასიანია  მათ შორის იმ შემთხვევაში, თუ სერვისცენტრის სპეციალისტის ადგილზე გამოძახებისას დაფიქსირდება, რომ მოწყობილობა გამართულია და ხარვეზი გამოწვეული იყო პერსონალის მიერ ექსპლუატაციის წესების არცოდნით, აღნიშნული კვალიფიცირდება როგორც ცრუ გამოძახება, არის ფასიანი და სრულად ანაზღაურდება მყიდველი იურიდიული პირის მიერ, სერვისცენტრის მიერ დადგენილი ტარიფების შესაბამისად.

საგარანტიო პირობები არ ვრცელდება:

·        გასულია საგარანტიო ვადა;

·        საგარანტიო ტალონი არ არის წარმოდგენილი;

·        საგარანტიო ტალონში მონაცემები შეცვლილია, წაშლილია ან გადაკეთებულია;

·        საგარანტიო ტალონში და მოწყობილობის კორპუსზე არ იკითხება ან ამძვრალია სერიული/ნომერი, IMEI კოდი;

·        ტექნიკაზე, რომელიც ფიზიკურად არის დაზიანებული, მაგალითად, გაკაწრული, გაბზარული, ჩაჭყლეტილი, დამწვარი, დამდნარი, დეფორმირებული, გატეხილი. ასევე, სითხით გამოწვეულ დაზიანებებზე, მათ შორის, იმ შემთხვევაში, თუ მოდელის სპეციფიკაციაში მითითებულია დაზიანების საწინააღმდეგო ფუნქციის არსებობა;

·        ნივთი გამოიყენებოდა მისი დანიშნულების შეუსაბამო მიზნ(ებ)ით;

·        ამძვრალია პლომბი ან ლუქი;

·        დარღვეულია მწარმოებლის ან მოვაჭრის მიერ ნივთზე თანდართული მათ შორის ვებ-გვერდზე (www.alta.ge) განთავსებული (ასეთის არსებობისას) მოწყობილობის/ნივთის შენახვისა და მოხმარების წესი;

·        დაზიანება გამოწვეულია კომპიუტერული ვირუსის ან შეუსაბამო ფაილ(ებ)ის მიერ;

·        დაზიანება გამოწვეულია ელ. ქსელის გაუმართაობით (ძაბვის ცვლილება მეტია ან ნაკლებია 220-230 ვოლტზე), მექანიზმის დანესტიანებით, გარე/უცხო სხეულის/წარმონაქმნის შეღწევით, კოროზიით, მაღალი ან დაბალი ტემპერატურის ზემოქმედებით, ექსპლუატაციის და შენახვის წესების/პირობების დარღვევით, ჩატარებული არაკვალიფიკაციური სარემონტო/სამონტაჟო სამუშაოების შედეგად;

·        მოწყობილობაზე 5 ცალამდე ჩამქრალი პიქსელი წარმოადგენს მოწყობილობის წარმოებისთვის დამახასიათებელ თვისებას და არ მიიჩნევა თავდაპირველ ნაკლად;

·        ტექნიკის წუნზე, რომელიც გამოწვეული სითხის და სინესტის ზემოქმედებით;

·        გარანტია არ ვრცელდება სმარტფონების/მოწყობილობის შეცვლილ (ე.წ. „დარუთულ“) სისტემასა და არალიცენზირებული პროგრამების გამოყენების შედეგად გამოწვეულ ტექნიკის არასტაბილურ მუშაობაზე ან ნივთის დაზიანებაზე;

·        წუნი, რომელიც გამოწვეულია, მოხმარებლის მიერ ჩატარებული არაკვალიფიკაციური სარემონტო/სამონტაჟო სამუშაოების შედეგად, ან ტექნიკის წუნზე, რომელზეც სამონტაჟო ან საგარანტიო სამუშაოები შესრულებულია მოვაჭრის ინსტრუქციის დარღვევით, არაუფლებამოსილი სერვისცენტრის სპეციალისტის მიერ;

·        ტექნიკის წუნზე, რომელზეც გამოწვეულია, არაორიგინალი ადაპტერის ან სადენის გამოყენებით, მათ შორის ნივთის დამაგრძელებელზე მიერთებით;

·        ტექნიკის წუნზე, რომელიც გამოწვეულია  ტექნიკის საცხოვრებელი სივრცის გარეთ გამოყენებით (თუ მოწყობილობას არ გააჩნია მითითება გარე სივრცეში გამოყენების დასაშვებობის შესახებ);

·        წუნი გამოწვეულია მომხმარებლის მიერ გამოყენებისა და შენახვის წესების/პირობების დარღვევით.

კომპანია არ აგებს პასუხს სმარტფონების დარუთულ სისტემასა და კომპიუტერის არალიცენზირებული პროგრამების გამოყენებისას, ტექნიკის არასტაბილურ მუშაობაზე. სპეციფიკაციაში მითითებული დაზიანების საწინააღმდეგო ფუნქცია ამცირებს, მაგრამ არ გამორიცხავს ამ დაზიანების მიღების ალბათობას. მომხმარებელი ვალდებულია, დაიცვას შეძენილი ნივთი მექანიკური, თერმული და ჰიდრო დაზიანებისგან.

საგარანტიო პირობების გამონაკლისები:

·        Apple iPhone 17 Pro-სა და iPhone 17 Pro Max-ის ნარინჯისფერი ფერის მოდელებთან მიმართებით დაფიქსირებულია ფერის არამდგრადობის შემთხვევები, რაც განპირობებულია მოწყობილობის ზედაპირის სპეციფიკური ფერით.მოწყობილობის შეძენისას გთხოვთ გადაწყვეტილება მიიღოთ მოცემული ინფორმაციის გათვალისწინებით, ვინაიდან, შემდგომში მოწყობილობის კორპუსის/საფარის ფერის ცვლილება არ მიიჩნევა თავდაპირველ ნაკლად.

საგარანტიო მომსახურება არ ვრცელდება შემდეგ აქსესუარებსა და სახარჯ მასალებზე:

● მობილური ტელეფონის ყურსასმენი, USB კაბელი, დამტენი;

● პლანშეტის ყურსასმენი, USB კაბელი, დამტენი;

● პრინტერის კაბელები, კარტრიჯები;

● ტელევიზორის პულტი, დენის კაბელი, სათვალეები;

● მაცივრის ჰაერის გამასუფთავებელი (იონიზატორი), სათავსოები, თაროები, წყლის დისპენსერი, რეზინები, სახელურები, ნათურები, დენის სადენი;

● სარეცხი მანქანის შემავალი და გამავალი მილები, ფხვნილის უჯრა, დენის სადენი, საკეტი, კარის რეზინი;

● მიკროტალღური ღუმელის თეფში, ნათურა, გრილი, სადგამი, ცხაური, ფილტრი, დენის სადენი;

● გაზქურის/ელ. ღუმელის ზედაპირის სადგამი, სახელური, კონფორი, რეზინი, დენის სადენი, ჩამრთველი, თვითწმენდის ფილტრი;

● გამწოვის ფილტრი, ნათურა, დენის სადენი;

● მტვერსასრუტის მილი, ჯაგრისი, ფილტრი, კონტეინერი, ელექტროსადენი.

თუ ნივთი 30 სამუშაო დღის განმავლობაში ვერ შეკეთდა:

1. პროდუქტი ექვემდებარება შეცვლას იგივე მოდელით, ხოლო მისი არარსებობის შემთხვევაში – იდენტური ან არსებითად ანალოგიური ტექნიკური მახასიათებლების მქონე სხვა მოდელით (იცვლება მხოლოდ დეფექტური ნივთი და არა მისი კომპლექტაცია, აქსესუარები ან სახარჯი მასალები).

2. თუ იდენტური ან არსებითად ანალოგიური ტექნიკური მახასიათებლების მქონე სხვა მოდელის მიწოდება შეუძლებელია, მყიდველს დაუბრუნდება საქონელში გადახდილი თანხა, რაც ჩაითვლება გამყიდველის ვალდებულების სრულ და საბოლოო შესრულებად.

3. მხარეები თანხმდებიან, რომ ნივთის საგარანტიო მომსახურების პერიოდში (მათ შორის, დიაგნოსტიკის, შეკეთების, შეცვლის ან თანხის დაბრუნების პროცესში), აგრეთვე ხელშეკრულების შეწყვეტის ან შესრულების შეუძლებლობის შემთხვევაში, გამყიდველი არ აგებს პასუხს მყიდველის (იურიდიული პირის) საქმიანობის შეფერხებით, შეჩერებით ან შეწყვეტით გამოწვეულ რაიმე სახის ზიანზე, მიუღებელ შემოსავალზე, წარმოების ან მომსახურების შეფერხებით გამოწვეულ დანაკარგებზე, ხელშეკრულებითი სანქციების დაკისრებით გამოწვეულ ზიანზე, მესამე პირების წინაშე წარმოშობილ პასუხისმგებლობაზე და სხვა პირდაპირ თუ არაპირდაპირ ზიანზე, გარდა იმ შემთხვევისა, როდესაც ასეთი პასუხისმგებლობის გამორიცხვა დაუშვებელია საქართველოს მოქმედი კანონმდებლობით.

4. ნივთში გადახდილი თანხის დაბრუნებით მხარეთა შორის კონკრეტულ ნივთთან დაკავშირებული ყველა ურთიერთვალდებულება სრულად და საბოლოოდ წყდება.

თანხის დაბრუნების წესი

თანხის დაბრუნება განიხილება მხოლოდ, როგორც ბოლო რიგის მოთხოვნა.

კონდიციონერის მონტაჟის პირობები

სტანდარტული მონტაჟი გულისხმობს:

• 40 სმ. სისქის სტანდარტული აგურის ან ბლოკის კედლის გახვრეტას (არ იგულისხმება ცივი ბეტონი, რიგელი, მონოლითი, პემზა და სხვა არასტანდარტული კედელი);

• გარე აგრეგატის საკიდზე დამაგრებას;

• შიდა და გარე ბლოკის ერთმანეთთან დაკავშირებას, დენის კაბელით, 3 მეტრის რადიუსში (Panasonic-ის ბრენდის შემთხვევაში 2 მეტრის რადიუსში);

• შიდა და გარე ბლოკის ერთმანეთთან დაკავშირებას, სპილენძის მილებით 3 მეტრის რადიუსში (Panasonic-ის ბრენდის შემთხვევაში 2 მეტრი რადიუსში);

• ტესტ რეჟიმზე ჩართვასა და ვარგისიანობის დადგენას;

• გამოყენების წესების გაცნობას;

 არასტანდარტული მონტაჟი გულისხმობს:

• 40 სმ-ზე მეტი სისქის კედლის გახვრეტას;

• ორი კედლის გახვრეტას;

• მონოლითის, ცივი ბეტონის, რიგელის, პემზასა და სხვა არასტანდარტული კედლის გახვრეტას;

• დამატებით დამაკავშირებელ დენის კაბელს თუ ბლოკებს შორის რადიუსი აღემატება 3 მეტრს, Panasonic-ის ბრენდის შემთხვევაში კი 2 მეტრს;

• დამატებით დამაკავშირებელ სპილენძის მილებს თუ ბლოკებს შორის რადიუსი აღემატება 3 მეტრს, Panasonic-ის ბრენდის შემთხვევაში კი 2მეტრს.

არასტანდარტული მონტაჟის შემთხვევაში მომხმარებელი დამატებითი მომსახურების პირობებზე თანხმდება უშუალოდ მონტაჟის შემსრულებელთან ან უფლებამოსილია თავად მოიძიოს შესაბამისი კვალიფიციური მემონტაჟე. აღნიშნული მონტაჟი არ ხორციელდება გამყიდველის მიერ და მის შედეგებზე პასუხისმგებლობა არ ეკისრება გამყიდველს.

მონტაჟის საფასურის გამოთვლის წესი:

Ø  იმ შემთხვევაში, თუ მონტაჟი ითვალისწინებს ზემოაღნიშნულიდან განსხვავებულ პარამეტრებს, მონტაჟი ჩაითვლება არასტანდარტულად და მისი ღირებულება შეთანხმდება ადგილზე, უშუალოდ, მემონტაჟესთან.

Ø  მონტაჟის მომსახურების მაღაზიაში შეძენის შემთხვევაში, პირობებს შეგიძლიათ გაეცნოთ სალაროსთან.

Ø  ასევე, ინფორმაციის მოძიება შესაძლებელია ჩვენს ვებგვერდზე: www.alta.ge.

Ø  დამატებითი ინფორმაციის მისაღებად, გთხოვთ, დაგვიკავშირდით “ტექპოინტის” ცხელ ხაზზე: (+995) 032 2 42 22 15

სერვისის მისაღებად მიმართეთ შემდეგ პუნქტებს/სერვის-ცენტრებს მითითებულ მისამართებზე

Samsung-ის ბრენდის შემთხვევაში მომხმარებელი ნებისმიერ დროს უნდა დაუკავშირდეს სამსუნგის ცხელ ხაზს - 0 800 55 55 55; ცხელი ხაზის სამუშაო საათები: ორშაბათი-პარასკევი: 09:00-18:00; შაბათ-კვირა: დასვენების დღე.

Apple-ს ოფიციალური სერვისი მისამართი: აისაფორთი, თბილისი, ს. ცინცაძის ქ.#12 (+995) 32 230 10 01;

სამუშაო საათები: ორშაბათი-პარასკევი: 10:00-19:00, შაბ: 10:00-15:00, კვირა: დასვენების დღე.

LG-ის ოფიციალური სერვისის მისამართი თბილისში: ქ.თბილისი, ა.წერეთლის #116, ტელ: 0322 000 333, თბილისის სერვისის სამუშაო საათები: ორშაბათი-პარასკევი 10:00-19:00, შაბათ-კვირა: დასვენების დღე.

LG-ის ოფიციალური სერვისის მისამართი ქუთაისში: ქ. ქუთაისი, ირაკლი აბაშიძის ქ. # 10 (ტექპოინტი ქუთაისი), სამუშაო საათები: ორშაბათი-პარასკევი: 10:00-19:00, შაბ: 10:00-15:00, კვირა: დასვენების დღე.

ელექტროლუქსი და AEG -ს ბრენდის შემთხვევაში, მომხმარებელი ნებისმიერ დროს უნდა დაუკავშირდეს ბრენდის ცხელ ხაზს ნომერზე +995 800 000 828. ცხელი ხაზის სამუშაო საათები: ორშაბათი-პარასკევი: 10:00-18:00 სთ, შაბათ-კვირა: დასვენების დღე.